٢٥‏/٠٢‏/٢٠٠٨

ARE YOU A TERRORIST????



هل نحن أرهابيين ؟؟؟؟
كنت بتكلم مع أمريكي اتعرفت عليه ولما عرف أني مسلم قاللي يا أرهابي ....ولكن بأسلوبي خليته يستمر ف المحادثة ولأن اللغة عندي كويسة لحد ما بدأت أستفسر منه عن سبب الأتهام ده واللي حسيته من الأمريكي انه مش فاهم حاجة وده مجرد كلام همة بيقروه أو يسمعوه ف اعلامهم وصحافتهم من مصادر هية بالنسبة ليهم موثوقة وكل النتيجة اللي بيوصلو ليها أننا ارهابيين ومتخلفين وأن النبي بتاعنا لا يدعو الا ألي الأرهاب وأن اسلامنا انتشر بالسيف ....الكلام ده علي لسانه طبعاااااا

ممكن تكون شبهات كتير باتهامنا بالدعوة للقتال والحروب ويستدلو من القران بأيات كتير ومن أحاديث الرسول صلي الله عليه وسلم كمان
دي حاجات جمعتها من دراسات للأسلام وشبهة انتشاره بالسيف وأن المصطفي الذي يساء اليه في كل مكان هو الداعي للأرهاب والعنف وقتل النفس البشرية وده كلام موضوعي كتبته بأسلوبي حتي نقتنع نحن كمسلمين بديننا والرسالة التي بعث بها نبينا المختار ولنتمكن من الرد اذا اتيحت لنا الفرصة علي من يشكك في كل ماسبق واللي أحب أبتدي بيه هوة .....
الحرب بما فيها من قتل وسفك دماء أمر جديد استحدثه الأسلام ولا ظاهرة قديمة ؟؟؟؟؟سؤال مهم نفتح بيه الموضوع
الحرب ظاهرة قديمة الأزل قبل النبي محمد ولم يكن هو من شرعها او ابتدأها ودليلي علي هذا الكلام هو الاتي :
منذ أن وجد الأنسان وهو يصارع وكعلاقة من العلاقات الاجتماعية نشأت الحروب ولها أسباب عديدة اما للتملك واما للغيرة واما للمنافسة واما للتعصب وكل هذه الحروب كانت قبل التشريعات السماوية وكان الغالب فيها هو الأسباب الشخصية فقط
أما في الكتب المقدسة تجاوزت الحروب الأسباب الغريزية الي ماهو أسمي مثل اقامة الحق ورفع الظلم ومحاربة الكفر
ففي العهد القديم التوراة تجد الحروب والحديث عنها أمور سماوية ليست مفهموم مكروه أو غريب انما مستمدة من الشريعة وتتم بمباركة الرب
حتي أنه في لفظ حسب تعبير التوراة قال
"أن الرب قد استل سيفه من غمده فلا يرجع"
اما الأنجيل لم يهمل الحديث عن الحروب وكما ان المسيحية لها تعبير مشهور "من ضربك علي خدك الأيمن فأدر له الأيسر"
فانها أشارت ايضاً لأن المسيح قد يحمل السيف ويخوض غمار القتال اذا دعته الظروف فجاء في الأنجيل علي لسان المسيح "لا تظنو أني قد جئت لأرسي سلاماً علي الأرض بل سيفاً. فأني جئت لأجعل الأنسان علي خلاف مع أبيه والبنت مع أمها والكنة مع حماتها وهكذا يصير أعداء الأنسان أهل بيته " وهذا يحمل تشابها مع حديث المصطفي " بعثت بالسيف بين يدي الساعة حتي يعبد الله وحده "
وهذا أيضا ما قصده المسيح عليه السلام أن هذا الخلاف والسيف انما ليعبد الله وحده
اذن المصطفي سائر علي سنن النبيين من قبله ......مهم جدااااااا
وفيه أمثلة كتير لذكر الحرب والقتال في التوراة والأنجيل واللي يهتم بالموضوع ويدور هيلاقي ياما .............
ياجماعة ديننا متين وقوي ولا يجب ان يتأثر بهذه الشبهات الا جاهل يارب لا تجعلني هذا الجاهل,,,,,,,,,

المرة الجاية هحاول أعرف ليه الأسلام شرع الحرب أساسا؟؟وهل ليها ضوابط ولا حرب ودمار وكل حاجة مباحة ؟؟وممكن شوية امثلة لمعارك حدثت في عهد الرسول أسبابها وأحداثها أكيد هستفيد من كدة ان شاء الله .........................

هناك تعليقان (٢):

Yuki يقول...

عجبني اسلوب عرضك جدااا لأنه اسوب جديد كنت فاكره ان كل الناس خلاص اتكلمت فيه و مفيش جديد يتقال فيه ..
ما شاء الله عندك مهارة الخروج من فكرة لفكرة بسلاسة بدون احداث فجوة بين الفكرتين و دى نقطة قوة فى اسلوبك استغلها دايما و خصوصا لو بتستغلها لصالح الإسلام يبقى كده تماام اوى ..
ربنا يوفقك و في انتظار باقي الموضوع ..

يـوكي - Twinz

ghoneem يقول...

شكرااا علي الكلام الكبير ده اخجلتم تواضعنا مش لاقي كلام والله غير شكرااا ليكي رفعتي معنوياتي
ربنا يسهل ادعيلي أكمل باقي الموضوع لاني مشغول جدااااا ومتبهدل ف الشغل
بس ان شاء الله ناوي وربنا يعيني
ربنا يوفقك وتحياتي لل توينز
كمان مرة شكراااااا لتشريفك ومنتظر زياراتك وارائك دايماااامهما كان الرأي لانه أكيد هيفدني
بالتوفيق