٠١‏/٠٦‏/٢٠٠٨

إضراب....!!!!!


بَعدَ أن رَأتنا بلا شرعٍ وَلا آدَاب

بَعدَ أن صِرنا نَحُوزُ أسوَأ الألقاب

بَعدَ أن عَلِمَت بأنَّ القدسَ أعيَاهُ السَقم

وبأنَّ عِرَاقنا قد إنهَزَم

وبأنَّ فِي السُودَان وَالصُومَال مَجَاعَة

تقتل ..تبيد ..تنتقم

وبأنَّ فِي مِصر الفسَاد قد وصَلَ القِمَم

وبأنَّ فِي لبنان ترَابنا قد صَارَ يخطوهُ الرِمَم

وبَعدَ أن فقدَت فينا الأمَل

..كلَّ الأمَل

قرَرَت عناصِرُ الكونِ أن تُعلِنَ الإضرَاب

شمسُنا أخذت قرَاراً بالحِجَاب

وسماءنا قد عَكرَت لونَ الحَيَاةِ أمَامَنا صَبغتها بالضبَاب

فجأة سَمِعنا هُجُوماً عنيفاً صَاخباً ..قالوا السَحاب

قد جَاء يَعزفُ مُوسيقاه ..

يقذفُ هَدَايَاه

يُعلِنُ للحَيَاة تأييدَهُ الإضرَاب

الريحُ فِي عنفٍ يدمِرُ كلَ شئ ..

ينتزع مِنا الثياب

يُثيرُ عَلينا الترَاب

يَلتهم حَتي الكِتاب

حَتي الطيُور كانت تغرد

..صَارَت تعوي كالذِئاب

المَاءُ فِي كلِ البحِار قدِ إنتفض

أصدَر فرَمَاناً لِسَاكِنيهِ يمنعُ الأنجَاب

والقمَرُ فِي اللَّيلِ أختفي قالُوا أصَابَهُ إكتئاب

وكل النجُومِ إستأذنت ذهَبَت لزيَارَةِ الأحبَاب

الكلُ صَارَ مُشاركاً

...الكونُ أعلنهَا سَاحَة الإضرَاب
......................................
يارب رحماك ماهذا الخراب

إني أري أمامي صنوفاً من العذاب

تبرأنا إليك وبابك

..يبقي الإقتراب

رب ما عدنا نطيق عيشتنا

عيشة الأغراب

ربنا لا تسلط علينا بذنوبنا من لا يخافك فينا ولا يرحمنا

رب إغفر لنا وللأهل والأحباب


آمين آمين آمين

هناك ٢٦ تعليقًا:

Unknown يقول...

السلام عليكم ورحمة الله وبركاته
ghoneem
اهلا بك دكتور:
اوجعتنا وذكرتنا ما نحاول ونتهرب من تذكره
فى كل يوم يؤخذ منا جزء
.فكم جزء تبقى؟قليل قليل
وكم من الوقت باق؟اقل القليل

(وبَعدَ أن فقدَت فينا الأمَل

..كلَّ الأمَل

قرَرَت عناصِرَ الكونِ أن تُعلِنَ الإضرَاب)
وسيحدث هذا ان لم نصحو ونتغير(غضب ربنا عظيم لكن رحمته ان شاء الله اكبر)

.................
القصيدة كقصيدة هى جميلة ومترابطة المعانى والكلمات والموسيقى الشعرية الدخلية (ولا ادعى انى خبيرة) ولكنى اقرأ فأما ان استمتع بما قرأت
واما لا
ولقد استمتعت على الرغم من قسوة المعانى فيها
شكرآ لك
تقبل مرورى وتحياتى

sa'7so'7te يقول...

بقالك بوستين بتدوس على جروح الواحد مابيبصلهاش عشان يضحك على نفسه و يقول انه نساها

تعبيرك"حَتي الطيُور كانت تغرد

..صَارَت تعوي كالذِئاب" رعبنى بجد

العيال قلقانين عليك يابو العيال

Yuki يقول...

السلام عليكم

البوست المرة دي مينفعش التعليق يتأخر عليه
حتي لو في 100 امتحان

لما بتكتب في قضايا عامة بتتألق جداا و بتكون عندك أفكار اللي الواحد يحس انه عايز يقولها و انت بتجسدها بالظبط بالمعاني اللي انت بتكتبها في الأبيات
فبيطلع الناتج اكثر من رائع

تحياتنا للطبيب الشاعر المتألق دائما
من خلف غياهب الامتحانات :)

رحــــيـل يقول...

اظنك تظلم نفسك اوقات
عندما تتواضع وتقول بانك لست بشاعر

لانه بحق تمتلك ادوات رائعة لتكون كذلك

عبرت عن وضع قائم بمنتهى البراعه والواقعية فى كلمات مرسومة بدقة ومعانى منتقاه وتشبيهات راقية جدا


حَتي الطيُور كانت تغرد
..صَارَت تعوي كالذِئاب
المَاءُ فِي كلِ البحِار قدِ إنتفض
أصدَر فرَمَاناً لِسَاكِنيهِ يمنعُ الأنجَاب


لك منى كل التحية والتقدير

عـــفـــراء يقول...

السلام عليكم
لما الاضراب والى متى نضرب ؟؟
هل نضرب عن الحياه باكملها اذا وماذا بعد!!
فانا ارى ان البشرية باكملها ينقصها امة مسلمة تمثل الاسلام والمسلمين فى كل مكان بل ويعتبر نهجا ونظاما لحياتنا بل وتتقدم بة الشعوب
ولكن اين ذلك؟
كلماتك رائعة وتعبيرك اروع
تحياتى

Asmaa mahaba يقول...

ياااااااااه يا غنيم
على الجرح معنديش تعليق
تحياتى ليك سومه_87

تــــ(حـنة)ــــر يقول...

اللهم امين
بس تعرف
البوست دة بجد صعب قوى
اصلك جبت الواقع العربي كلة
و ليمكن حتة منه
يلا
الله المستعان
سلام

rovy يقول...

اللهم امين ويارب رحماك
ابدعت .. وحتى لو المتنا من واقع حزين اليم وجعلتنى اشعر ان ما تصوره قد يحدث فعلا و ان اضراب الكون ات لا محال .. ولكنك فعلا ابدعت .
وفقك الله دائما
ودمت بخير ودام قلمك و ابداعك
تحياتى
rovy

ghoneem يقول...

norahaty

وعليكم السلام ورحمة الله وبركاته

أهلاً بحضرتك وبتشريفك يا طبيبتنا الفاضلة

أعتذر ان كنت تسببت في أي أوجاع تخصك ولكن أذكرك قلتي لعلهاتطهر جزءاً من آثامنا...

أكيد طبعاً رحمة ربي وسعت كل شئ

الحمد لله ان القصيدة عجبتك وأشكرك جداً علي كلماتك وتعبيرك الرقيق
الحمد لله ان قسوة المعاني لم تمنعك من الاستمتاع
وده بالنسبة لي نجاح

أشكر ليكي مرورك
أشكر ليكي دعمك وتشجيعك
تحياتي

بالتوفيق..............

ghoneem يقول...

sa7'so7'te

أهلاً بيكي

الأول أنا فرحان بزيارتك وسعيد جداً بمرورك

نصيحة مني " إوعي تضحكي علي نفسك "

أعتذر عن قسوة التعبير واني رعبتك " مع اني بيني وبينك فرحاااااااااان"

أما أنا فمتقلقيش علية وقولي للعيال كمان ميقلقوش ...
أنا تمام الحمد لله

العيال قلقانين عليكي انت ..!!!!!
طمنينا عليكي وخدي بالك من نفسك

تحياتي

بالتوفيق...............

ghoneem يقول...

yuki

وعليكم السلام

أخباركو ايه ؟؟؟؟؟

هوة كل بوست مينفعش تتأخرو عليه عشان خلاص اتدبستو ومش ينفع متعلقوش عندنا علي طول ان شاء الله

أشكرك جدا جدا علي كلماتك وتعبيرك
والحمد لله اني بلاقي تعليقكو موجود

انا بكتب وهفضل أكتب ان شاء الله وأنتظر ردودكم ورأيكم

الحمد لله ان البوست عجبك ويارب دايماً مروركم وتعليقكم ويارب بالتوفيق في باقي الأمتحانات وكلها تبقي تمام

لقب أعتز بيه جداً أشكر عليه وبعمق ولي كل الشرف ...شكراً

...............
تحياتي

بالتوفيق............

ghoneem يقول...

RA7EEL

أهلاً بيكي وبالناس اللي بتحرجني بكلامها

انا بشوف تعليقك بخاف أقراه عشان الكلام الحلو اللي ببقي عارف انك هتكتبيه ......

انا هقول للي بيقرا تعليقك والكلام الكبير اللي انت كاتباه ...رحيل بلدياتي واحنا متعودين نجامل بعض كدة ع البلوجز بتاعتنا...عادي يعني

والله ياسارة انت بتحرجيني بجد ومش بلاقي حاجة غير اني أدعيلك وبإخلاص ان ربنا يوفقك وتحصلي علي كل الخير

تحياتي لحضورك
أشكرك جداً

بالتوفيق................

ghoneem يقول...

عفراء

وعليكم السلام

أهلاً بيكي وبرورك الكريم

دائماً أجد لتعليقك خواطر جميلة تهمس في أذني وتخبرني أن أنظر الي ماأكتب من منظور آخر....

بجد والله تعليقك دائماً يحمل وجهة نظر متميزة

البشرية ينقصها الإسلام...جميل جدا جدا كلامك والفعل العالم خسر عندما حكمه غير المسلمين

كلماتك بالفعل رائعة

تحياتي

بالتوفيق...........

ghoneem يقول...

سومة

يااااااااااااااااااه

انت فين ايه الغيبة الكبيرة دي كلها


قلقتينا عليكي

يارب تكون الإمتحانات عدت علي خير

لكي مني كل تحية وخالص تقدير لزيارتك

أكيد هاجي عش المجانين قريب جدااااا

بالتوفيق.........

ghoneem يقول...

تمر حنة

أهلاً بيكي

الشمعة وصاحبتها منورين البوست والمدونة كلها ويارب دايماً

هوة الواقع العربي ...واقعنا المؤلم

ربنا يبدلنا حالاً خيرا من حالنا

أشكرك علي مرورك وتعليقك

ويارب منورانا دايماً

تحياتي

بالتوفيق..........

ghoneem يقول...

rovy

أهلاً بيكي سعيد جداً بتشريفك

أعتذر ان كنت آلمتكم ولكن واقع وللأسف أحاول تجميله بقدر الإمكان

أشكرك جداً علي كلامك والحمد لله أن ما أعنيه وصل ..ولكن كما قالت طبيبتنا نور فإن رحمة ربي أكبر.....

ربنا يشملنا برحمته
أرضنا ولله الحمد توحد ...مساجدنا نسمع صوت آذانها تقول الله أكبر لا اله الا الله
الخير في أمتي الي يوم الدين
صدق رسولنا الكريم

وفقني الله واياكم ولكي مني كل التقدير والأحترام

دمت بخير ودامت زيارتك

تحياتي

بالتوفيق.............

موناليزا يقول...

بجد رائعة جدا وتسلم ايدك
واضح اننا محتاجين فعلا اضراب من الطبيعة حتى تنبؤهم بحلول عذاب الرحمن نتيجة كل مايقترفوه فينا من اثم
كلمات وتشبيهات رائعة وفى محلها تماما
وربنا يتقبل دعائك اللى فى الاخر وتاكد اننا جميعا نؤمن على هذا الدعاء
بالتوفيق دائما

Unknown يقول...

السلام عليكم ورحمة الله وبركاتة
مش عارفة اقولك غير ان دا نتيجة مباشرة لافعالنا او سكوتناا
احنا من فلعنا ذلك بتخلينا دينينا
وقيمنا

اللهم استجب لك ولنا وارحمنا يارب
بوست جميل
بالتوفيق

ghoneem يقول...

monaliza

أهلاً بيكي وبطلتك علينا والحمد لله انها دائمة ويارب دايماً

أشكرك جداً علي تعليقك والحمد لله ان البوست عجبك والحمد لله ان اللي بكتبه بيحظي بتعليقك اللي أقدر قيمته جيداً

ربنا يتقبل منا دعواتنا

آمين

ربنا يوفقك الي ما يحب ويرضي ويكرمنا دايماً بتشريفك وتعليقك

تقبلي خالص تقديري

بالتوفيق.............

ghoneem يقول...

نهر الحب

وعليكم السلام ورحمة الله وبركاته

أهلاً بحضرتك وبتشريفك الأول وان شاء الله لن يكون الأخير

أوافقك تماماً علي كلماتك وأضيف اليها اننا اذا لم نفيق من هذا الظلام فلن نجد أمامنا الا حقائق أشد قسوة

ربنا يتقبل منك دعائك

أشكرك جدا جدا علي تشريفك والحمد لله ان البوست عجبك

أكيد هتشرف بزيارة حضرتك ان شاء الله

تحياتي

بالتوفيق..............

Unknown يقول...

السلام عليكم ورحمة الله وبركاته
ghoneem
اهلا بك ياطبيب
احببت ان اطمئن عليك واقولك
يالله بلاش كسل عايزين جديييييد
وكمان الصراحة اقولك على الرابط ده اللى فيه الاغنيةاللى قلت انك تحبها
http://www.cools4u.com/songz/singer.php?id=121§ionid=4
ارجو ان تستمتع بها....هش هش هش ما فى حد الحمد لله واخد باله ,كله مشغول بالامتحانات
ولك تحياتى

رحــــيـل يقول...

دكتور احمد

انا مش بجاااامل
لا بحب اجامل ولا بعرف بجد

تحياتى وتقديرى

ghoneem يقول...

norahaty

أهلاص بطبيبتنا
شرفتينا يافندم

أشكرك علي سؤالك كتيييييييير

وسعيد جداً بزيارتك عندنا

مش مكسل والله أنا كتبت بوست جديد بس متردد أنزله ....بظبط فيه كدة وربنا يسهل يوم بالكتير ان شاء الله

أما الرابط
هههههههههههههههههههههههههههههه
بجد مقلب جامد جداً
بيمتحنو ايه يا دكتورة كلهم هيجرو ع الرابط حالاً
أشكرك جداااااااااااااااااااااا

مردودة ان شاء الله

تحياتي

بالتوفيق.............

ghoneem يقول...

ra7eel

اهلاً بيكي

أيوة كدة احنا حبكناها المرة دي ع الآخر والناس بقي هتقول دي بتتكلم بجد

ايه الأفكار دي
بجد تمااااااااااااااااااام

مردودالك في بوستاتك ان شاء الله

بجد بقي
أشكرك جداً وأحترم تشريفك وبجد أنا بنتظر تعليقك وكلامك وتشجيعك وعارف ان الموضوع لو مش حلو هلاقي نصيحة وإرشاد للصواب

أشكرك وأحترم تشريفك ولكي مني خالص دعواتي


بالتوفيق................

غير معرف يقول...

break
يا نهار الابيض على جرعة الاكتئاب المميتة

حرام عليك ايا ابو العيال مش كدة
ولا عشان العيال خدوا اجازة مش مهم احنا

ghoneem يقول...

break

اهلاً بيكي

أخبارك ليه ؟؟

معلش والله متعوضة ان شاء الله
انا مكنتش عايزك انت بالذات تقري البوست ده بس اللي حصل بقي

معلش والله بس انت اللي جيتي أعملك ايه يعني !!!!

كمان مين قاللك ان العيال أخدو أجازة ده الواد الكبير فتحي يا عيني متبهدل في المذاكرة وهيخلص لسة آخر الشهر
ادعيلهم الله يكرمك

أشكرك لتعليقك بالرغم من جرعة البتاع اللي قولتيه ده

بس انت داخلة غير معروف ليه ؟؟؟؟؟
من الإكتئاب ولا الميل اتسرق ؟؟؟؟

تحياتي وخالص دعائي عشان ال.....

ربنا يوفقك والستة يارب

بالتوفيق..................