١٦‏/٠٤‏/٢٠٠٨

رسالة من الشيطان الي قلبي.....!!!!!!


اليك يابني آدم ...... أبعث برسالة كره وحقد
اليك ياكل قلب....... خذها واقرأها فذاك أوان الجد

فخذ مني نصيحة كاره ... وهل للكاره أي عهد
وخذ عنِي فأنِي حاقد ....وحقدي عليك فاق الحد
فان خفت العزيز فأيقن....بأن دنوِي منك لن يرتد
وأن أحببتني فعليك منِي ...أمانا وسلاما الي يوم الوعد
الي قلبك أرسل تهديدي.. ..ووعيدي والقادم مني أشد

..........................
هذه الرسالة وصلتني علي عنواني "القلب"بأمضاء المدعو أبليس satan
لم يكتب فيها عنوانا ولا مكانا ولا حتي تاريخ الارسال...أرتبت من الامر وذهبت الي نفسي أحدثها
بدأت نفسي بكتاب الله وبأن المدعو أبليس قد قال عنه مولاه "فبعزتك لأغوينهم أجمعين ألا عبادك منهم المخلصين "
قالت نفسي: الاية تحمل وعيد كالذي تحمله الرسالة وبما أن الأخلاص محله أنت جائتك الرسالة أيها القلب
القلب:لم أفهم بعد....مالي والشيطان ولماذا يتوعدني ومالي ذنب!!!!!!
نفسي:الشيطان يتوعدك بالغواية ويخيرك اما حزبه ولك منه الأمان والسلام واما غير حزبه وعليك حينها الهجوم والأنتقام
القلب:نبضي يشتد
نفسي: أنا أعلم عنه الكثير وله من الحيل ماله ....فهل تنصت ولك مني الرد
القلب : تكلم وكلِي أذانٌ صاغية
نفسي: أنا أعلم أنه يحب أربعة أشياء جداً جداً يجعلها البداية
أولها جعلك تتعلق بغير الله واحفظها مني جيدًافهي أصل الشرك وبداية النهاية
ثانيها كثرة أختلاطك بالناس ..فاكر لما بتيجي تقوللي أنا مخنوق متضايق حاسس ان كتير جوايا
ثالثها يخليك مقتنع انك طول عمرك هتفضل تنبض ..دوم دوم دوم دوم
يعني بالعربي كدة طول الأماني وده بقي اللي ودا قلوب اليهود والنصاري في سكة الغواية
رابعها أنك تاكل كتيييير...!!!!!غريبة صح؟؟؟؟
لا مش غريبة ..كتر الأكل يخليك تنام ..متفكرش ..ومتقررش..
ودليلي قول رسولي ص " يا معشر الشباب من استطاع منك الباءة فليتزوج واذا لم فعليكم بالصيام فانه لكم وجاء"يعني الصيام وجاء
كمان بص حواليك شوف مين أكتر الناس اللي بتعصي ...أكثرهم ترفاً
مش كلهم طبعاً ألاّ من رحم الله انا أعرف ناس كتيير أغنياء بس ايه ..مية مية...
القلب:دول كدة كتير ...وانا كدة اتلخبطت ..وخفت ..أعمل ايه؟؟؟
نفسي :خد العلاج ده بسرعة كدة لحد مانشوف هنعمل ايه
انت بتحب ربنا ..صح؟؟؟
القلب : أكيد طبعاً
نفسي:ليه؟؟
القلب:نعمه علي لا تعد ولا تحصي ..أحسانه بي بالرغم من عدم استحقاقي له..أسمائه وصفاته وعجائب خلقه في الكون
نفسي:اذن لك أولا :من يحب لا يعصي حبيبه ولا يمل من خدمته وانت قلت انك بتحب ربنا يبقي أوعي تمل من عبادته ..صلاة وصوم وزكاة وغيره وغيره
ثانياً :اللي يحب حد يعمل علشانه أي حاجة ومش بيخليه يشوفه في مكان مش بيحب يشوفه فيه
ثالثاً:الله يراك حين تعصاه..صح؟؟
فاستحي من الله كما أنك تستحي من رجل من صالحي قومك "كما قال الرسول صلي الله عليه وسلم
رابعاً:أذا كل ده منفعش معاك فاعلم انه الجبّار المنتقم الذي أذا أخذك لم يفلتك وأعلم أن الجزاء من جنس العمل
قلبي:الأمر جد خطير
يامقلب القلوب ثبتني علي دينك
يامقلب القلوب ثبتني علي دينك
يا مقلب القلوب ثبتني علي دينك
آمين آمين آمين

هناك ١٥ تعليقًا:

انا مذنب يقول...

القلب:نعمه علي لا تعد ولا تحصي ..أحسانه بي بالرغم من عدم استحقاقي له..أسمائه وصفاته وعجائب خلقه في الكون

ردك على نفسك رائع
هزني جدا ولمسني
لو كل واحد يقدر قد اي ربنا بيدنا واحنا حتى مبنشكرك مش بس منستاهلش لا كمان مبنشكرك
ربي عفوك ربي عفوك ربي عفوك

لك مني كل التحيه

مواطن مصرى نايم يقول...

اولا مبروك على النيو لوك
و بجد بوست جميل جدا
سلامى ليك



eslam

موناليزا يقول...

فكرتنى بقصة العابد الزاهد لما تمكن منه الشيطان وجعله يزنى ويقتل بل ويسجد له ولما فعل ذلك قال له الشيطان انى برئ منك انى اخاف الله رب العالمين
ومعك كل الحق اخى الفاضل فيجب ان نتذكر دائما تحدى ابليس لرب العزة وانه لن ييأس حتى لو تخيلنا ده فهو لو مقدرش يخلينا نشرك بالله لانه صعب هيخلينا فى غفلة او نهتم بالفروع وننسى الاصول
أحييك على العرض وطرح الموضوع
اللهم انك سلطت علينا عدوا عليما بعيوبنا يرانا ولا نراه اللهم أيسه منا كما أيسته من رحمتك وباعد بينه وبيننا كما باعدت بينه وبين جنتك

ghoneem يقول...

اهلاً بيك

زيارتك والله بتسعدني جداًوبحس اني بكتب حاجة كويسة ممكن تنفع لما بلاقيك بترد عليها
ربنا يكرمنا بزيارتك دايماً متحرمناش منها

الحمد لله ان البوست نال اعجابك وكلمة هزني جداً ولمسني دي تاج علي راسي

ربنا يعفو عنّا جميعاً
امين امين امين

تحياتي

بالتوفيق.....

ghoneem يقول...

مواطن مصري

عزيزي eslam

شكراًعلي زيارتك الله يبارك فيك
تغيير بس مش عارف للأحسن ولا للأوحش
؟؟؟؟

الحمد لله ان البوست عجبك

مستني زيارتك دايماً ومرورك اللي بستناه علي طول

تحياتي

بالتوفيق.....

ghoneem يقول...

monaliza

اهلاً بيكي
طبعاًتشبيهك جميل والقصة اللي ذكرتيها دي مش بعيدة عن أي حد فينا ساعة المعصية يجري ولا كأن كان فيه حاجة ويقول اني برئ منك

طبعاً شكرالمرورك وشكراًعلي تعليقك اللي بيشجعني أكتب

ربنا يتقبل منك صالح دعائك
آمين آمين آمين

تحياتي

بالتوفيق.....

sa'7so'7te يقول...

يا مقلب القلوب ثبت قلبى على دينك

بجد جميييله

يابو العيال (;

ghoneem يقول...

sa'7so'7te

آمين آمين آمين

اهلاً بيكي منورة البلوج
الحمد لله انه عجبك

ياجماعة موضوع ابوالعيال ده قصة ظريفة يطول شرحها
ظريفة أوي ظريفة بجد

متبقيش تحرمينا من زيارتك كدة دايماً

تحياتي

بالتوفيق......

sa'7so'7te يقول...
أزال المؤلف هذا التعليق.
zOzO يقول...

بجد
بـــجــــــد


البوست عجبني اوي


اسلوبك حلو
طالع من القلب ودخل للقلب



ابليس يدفعنا نعمل ده وده وده
وفي النهايه يوم القيامه يقول وانا مالي


هههههههههههههههههههههه



يارب نجينا منه ومن فتنه المسيح الدجال


البوست راااااااااائع


تحياتي ليك

Yuki يقول...

بوست جميل جدااا

ما شاء الله أسلوب رائع كالعادة

اللهم لا تزغ قلوبنا بعد إذ هديتنا إنك أنت الوهاب اللهم جدد الإيمان في قلوبنا و ارزقنا قلباً خاشعاً و لساناً ذاكراً و عملاً متقبلاً ..

ghoneem يقول...

zozo

اهلاً بيكي منورة المدونة طبعاً

شكراً علي ردك الحمد لله ان البوست عجبك

والحمد لله انه وصل للقلب

ههههههههههه
هية المشكلة ف وانا مالي دي

امين امين امين

ربنا يتقبل منك دعائك

شكراًعلي الزيارة واتمني دوامها

علي فكرة الماكنة جابت قماش

فيه حد رد علية من الفرنجة اخيراًًًً
في المدونة التانية الحمد لله
عارض وجهة نظر رائعة جداً ياريت تقريها انا بصراحة اعجبت بيها جداً

تحياتي

بالتوفيق......

ghoneem يقول...

yuki

اهلاً بيكي

منورة طبعاً مش محتاجة اقولك

الحمد لله ان الكلام عجبك

شكراً لمرورك

آمين آمين آمين

ربنا يتقبل منك صالح الدعاء

تحياتي للتوينز متألقين في البلوج الجديد جدااااااا وعجبني مواضعكم

بالتوفيق....

zOzO يقول...

اكيد هقراها

والحمد لله ان في حد رد عليك


بركه دعائي طبعا
ههههههههههههههههههه


فين الحلاوه بقي ؟
انا مش برضي باي حاجه


تحياتي

ghoneem يقول...

zozo

اهلاً بيكي كمان مرة

لأ ارضي المرة دي بأي حاجة أحسن انا مفلس اليومين دول ع الآخر

يارب منورانا كدة دايماً

تحياتي

بالتوفيق.....