١٦‏/٠٦‏/٢٠١٠

"هي "


الساعة الآن العاشرة مساء...


الجميع يهرول في فزع نحو شقة الدكتور محمد الموجودة بالطابق الثالث ..


لا أحد يصدق ما حدث ..


الخبر قد انتشر في كل مكان ..الكل يردد "انا لله وانا اليه راجعون..ده كان بيحب الناس كلها "


الكل يشهد له بالأدب والأحترام ..الجميع غير مصدق أنه "قتل"


ظل الجميع ينظر الي المحقق ..الأعين تحاصره في انتظار معرفة الجواب


المشهد الآن "محمد " ملقي علي الأرض في سكينة تامة غارق في دمائه ..صدره مشقوق مايوحي انه قتل بطريقة بشعة..


يده اليمني تحمل قصة مكتوب عليها "حياتي " ويده اليسري تحمل "قلب"... انه قلبه


والي جواره تجلس "هي " ....هي صديقته التي اكتشفت حادث مقتله وقامت علي الفور بالاتصال وطلب النجدة ..


المحقق يقترب منها الآن موجها حديثه اليها وعلامات الذهول تبدو واضحة عليها ...


المحقق ..ما علاقتك بالقتيل ؟؟


هي ..صداقة قديمة تجمعنا منذ سنوات


المحقق..ومتي كانت آخر مرة تحدثتم أو التقيتم فيها ؟؟


هي ..لم يحدث أن تحدثنا من قبل كما انه لم يحدث وأن التقينا


المحقق..متعجبا!!وكيف تجمعكم صداقة من دون حديث أو لقاء


هي..كنا نتبادل الرسائل ليطمئن كل منا علي الآخر


المحقق ..وما السر وراء حضورك اليوم ؟


هي..وصلتني رسالة منه طلب مني الحضور لأمر هام وأخبرني أنه لن يكون متواجد وسيترك لي شيئا آخذه وأنصرف


المحقق..هل أخبرك عن هذا الشئ؟


هي ..نعم ..ثم أشارت الي القصة التي مازالت تحملها يده اليمني


المحقق..اذن حضرتي اليوم لتأخذي القصة


هي ..نعم ولكني دخلت الي المكان ووجدته ....ثم أجهشت في البكاء


المحقق..اهدئي سنحتاج اليك في مقر النيابة لنستكمل التحقيق


هي ..في محاولة للرد


أمر المحقق بحفظ المحتويات وبدأ الجميع في الانصراف


وقفت "هي" تنظر اليه ..تودعه برفق ..ثم جلست الي جواره تنظر اليه نظرة يبدو انها الأخيرة


مدت يديها في هدوء تأخذ ما تحمله يده اليمني


تأخذ "حياتي "لتنصرف


ولكنها قبل أن تنصرف لاحظت شيئا غريبا


لاحظت أن قلبه الذي في يده الأخري لا يزال ينبض ..ينبض ..ينبض وبشدة ّّّّ!!


لا زال يحتمل الحياة


وقفت لا تدري ماذا تفعل


هل تأخذ القصة وتنصرف لتقرأها في هدوء


أم تحمل القلب وتعيده اليه لتعود له الحياة


ترددت ..لم تأخذ قرارها


الكل انصرف ولم يبقي غيرها


بقيت "هي " كما هي


بقيت وحدها تبحث عن قرارها .......




هي ...قصة قصيرة جدا

هناك ٢٥ تعليقًا:

رحــــيـل يقول...

حمد الله على السلامة جدا
:)

بقيت "هي " كما هي

بقيت وحدها تبحث عن قرارها .......

يا نهاياتك يا دكتور
:)
القصة جميلة وان كانت النهاية محيرة

تحياتى وتقديرى

موناليزا يقول...

عودة متميزة بنوع مختلف من الكتابة
---
حمدالله على السلامة

Maha Shahen يقول...

الف حمدالله علي السلامه

بجد فرحت لما لقيت اسمك رجع ينور بالموضوعات الجديده من تانى
يا رب دايما منور اسمك وافكارك


اما عن القصه مقدرتش استوعب
ايه سبب موته وان اقررت بموته ليه قلبه فضل يدق , متعلق بمين .. بحياته بيها , طيب ليه التردد ان كانت بتهتم لأمره واثر فيها الحاله اللي كان عليها

فى دقيقه بتفصل احيانا بين الموت والحياه وبيموتنا الندم فيما بعد لو سبناها تمر بسكوت

خالص تحياتى ليك ودايما منور عالم التدوين

shaimaa samir يقول...

ياااااه يا دكتور
حضرتك بتيجى من رمضان لرمضان

يارب دايما بالخير

ما هذا الجمال والروعة
فى التفكير والعمق والبساطة


دمت بخير
ونتمنى سيل من الكلمات هذ
بصدق

Unknown يقول...

السلام عليكم ورحمة الله وبركاتة
حمد لله ع السلامة
كيف حالك اخى
اتمنى ان تكون بخير حال وتمام صحة
بجد اسعدنى جدا سؤالك
فجزاك الله خيرا

ghoneem يقول...

رحيل....

الله يسلمك يارب وربنا ما يحرمنا منك ولا من زياراتك

دايما تشجيعك ودايما أول تشريف ودي حاجة بتسعدني جدا

وكمان فرحت جدا بخبر الخطبة ربنا يباركلك ويوفقك ويحفظك

فرحان ان القصة عجبتك وطبعا انت عارفة ان النهايات دايما بتبقي أحسن من البدايات بكتيييير لأنها بتبقي الواقع حتي لو واقع مؤلم

ع فكرة انا كمان بحب القصة دي جدا جدا جدا والنهاية للقارئ لازم تفضل محيرة بس لصاحب القصة مش محيرة ولا حاجة ......هية نهاية واحدة

المهم اني فرحان بتشريفك جدا ورجوعي للمكان اللي بحبه بجد واخترت اسمه مخصوص "حتي لا أنسي " عشان أرجع تاني ومنساش ...ويمكن دي بالنسبة لية ف مشواري ف الدنيا أول حاجة أحس اني مش قادر اسيبها

تحياتي ليكي ولأمجد وربنا يوفقكم

بالتوفيق.................

ghoneem يقول...

موناليزا....

الله يسلمك يارب وسعيد جدا بزيارتك السريعة دي ويارب يكون البوست عجبك فعلا

الحمد لله انك بخير ودمتي بكل الخير ودايما نسعد بيكي وبتشريفك

متنسيش تدعيلنا كتير

تحياتي

بالتوفيق..............

ghoneem يقول...

nour shahen

اخبارك ايه ؟؟؟؟
الله يسلمك يارب ويكرمك وميرسي بجد لزيارتك فرحان جدا بيها

انا والله اللي سعيد جدا باسمك وبزيارتك وتشريفك الغالي

وفرحان زي ما قلت بجد اني رجعت لمكان وحاجة تمثل أهم مرحلة ف حياتي وفرحان أكتر اني الحمد لله قدرت مانساهاش

اما عن القصة
عايزة ايه يا ستي بقي ؟؟؟
مش البطل دايما لازم بيموت ف الأفلام الهندي ...اعتبري القصة دي بقي فيلم هندي ...همة يعني الهنود ولا أميتاب باتشان أحسن مني !!!!!!!

بصي يا نور ..انا لازم اكتب القصة والقصة لازم يبقي ليها أحداث والأحداث لازم تنتهي ..مش ده الطبيعي ولا ايه

مش هية دي عناصر القصة ولا ايه ؟؟!!
قلبه فضل يدق وهيفضل يدق لأنه قلب
وهية اترددت وهتفضل مترددة لأنها بشر

اما الدقيقة اللي بتفصل دي فخلاص عدت شهور مش دقيقة ...يعني مات وشبع موت..وندم وشبع ندم ..عايزاني بقي أخلي البطل ذكري خالص ولا نسيبله ع الأقل خالص حتة قلب يدق ...مش هيخسر يعني لو قلبه فضل يدق
ومش هيضايق حد ف حاجة

هي ..قصة عمري ما كنت أتصور اني هكتبها ف يوم من الأيام

والله نورتيني وخلتيني أتكلم معاكي شوية أكيد فرقو معايا كتيييير جدا

منوراني دايما ودايما مستني تنوريني
وفرحان بجد انك بخير الحمد الله

أتمني من الله انك دايما بخير
تحياتي

بالتوفيق.....................

ghoneem يقول...

shaimaa samir

ازيك يا فنانة عاملة ايه ....؟؟

ع فكرة يعني أكتر بلوج والله والله حنيت ليه وأول ما زورته أخدت نفس عميق جدا

فرحان بجد بزيارتك وتشريفك وطبعا للمرة المليون شكرا جدا لسؤالك

يارب انت كمان دايما بخير والي ألامام دايما ان شاء الله

أشكرك جدا علي كلماتك المعبرة اللي أثرت فية جدا وفرحان أوي ان البوست حاز اعجابك وشهادة أعتز بيها من فنانة أقدرها وأحترمها بشدة

ربنا يحفظك ويديم علينا ودك وزياراتك

دمتي بكل الخير

خالص تحياتي وتقديري

بالتوفيق.....................

ghoneem يقول...

نهر الحب

وعليكم السلام ورحمة الله وبركاته

اخبارك ايه ...؟؟

الله يسلمك يارب ويحفظك ويديم عليكي حبه ورضاه

انا بخير الحمد لله وفي نعمة كبيرة الحمد لله
المهم اختنا الغالية تكون ف أتم حال

:)

سعيد جدا بتشريفك ويارب دايما بخير

دايما أسمع عنك كل خير

تحياتي
بالتوفيق......................

غير معرف يقول...

عودا حميدا .....
وعسى ان يكون عدم النسيان خير
وان تكون هي محتواها هو

اشمعنى محمد ...!!

Maha Shahen يقول...

انا الحمدلله بخير كفايا انك رجعت نورتنا ودا اكتر شىء يسعدنا

القصه بتاعتك جميله بس دا لو واقع يبقى مؤلم فوق الوصف فعلا

احيانا يا غنيم بتكون نهاية شىء هى مجرد بدايه جديده وعلينا نصبر بس

فتفاءل يا اخى العزيز

عارف بفتكر اول مره شوفت فيها مدونتك واتعرفت عليها وشدنى اسم حتى لا انسى , دلوقتى بقول كويس كتير فى بعض الاوقات اننا ننسى لأن النسيان نعمه كبيره من ربنا

ويا رب دايما نشوفك بخير ودايما منور معانا حتى لو بتقص علينا حكايات محيره
ويا رب متكونش واقع.. وان كان متتكررش

ربنا يسعدك ويباركلك

rovy يقول...

حمدا لله على سلامتك ..
سعدت كثيرا بعودتك ,, يا رب تكون دايما بخير و أشكرك لتعليقك عندى و سؤالك الكريم ..
القصه رااائعه .. و لو أنى حزنت لأن البطله ترددت فى أتخاذ القرار و انقاذ حبيبها ..
دمت مبدعا
دمت فى حفظ الله
تحياتى

Unknown يقول...

السلام عليكم ورحمة
الله تـعالى وبركاته
ياألف ألف وتلاتمائة مرحبا
بالعائدين الينا بعد غياب
طووووووووووووووووووووووويل

Unknown يقول...

وزى عوايدك
قصتك روعة أما
نهايتها فمحيرة للغاية
ياترى ما يكون قرارها
أخذ القصة أو رد قلبه اليه؟!

Asmaa mahaba يقول...

حمد الله ع السلامه يا دك
اوعى بس تختفى تانى
بس انا متغاظه من نهايه القصه يعنى مش لو كان سابلها عودين جرجير كانوا انفعلها:q

ghoneem يقول...

غير معروف ...

اهلا بيكي منورة الدنيا كلها

أشكر ليكي تشريفك وترحيبك

أنا أساسا من النوعية اللي حياتها مليانة كتيييييير جدا وعشان كدة دايما طبعي النسيان ...لأاني صعب أعيش كدة من غير نسيان

بس لما عملت المدونة دي واختارت اسمها كان احساسي اني هيحصلي حاجة واحدة هبقي فعلا مش عايز أنساها ..
وبالفعل الحاجة دي حصلت ..وفعلا مش عايز أنساها ..وأنساها ليه ..ما أنا ع طول بنسي ..أجرب بقي المرة دي ما أنساش وأشوف كدة يمكن تصيب المرة دي وأرتاح ...........

طولت عليكي أشكر ليكي ردك ..والمرة الجاية ان شاء الله يبقي "معروف "

اشمعني محمد ...أحمد ماشي ؟؟!!

تحياتي

بالتوفيق....................

ghoneem يقول...

nour shahen

أهلا بيكي يا نور منورة :)

وأنا كمان فرحان بجد اني معاكو ف مكان بعتز بيه ووسط ناس يعتبرو فعلا أقرب ناس لية

الحمد لله ان القصة عجبتك ..ورأيك انها جميلة يسعدني كتير
أنا متهيألي يعني انها متنفعش تبقي واقع أصلا ..هي مجرد خيال مش أكتر

أنا متفائل جدا والله ولأبعد حد كمان والحمد لله ع كل حاجة..كله خير

انا كمان والله بحب اسم المدونة جدا وقاصد فعلا اني لا أنسي والدليل ع كدة اني رجعت تاني مع اني لو كنت نسيت عمري ما كنت هرجع واكتب ع البلوج تاني

يارب انت كمان دايما منورانا ودايما بخير وف أحسن حال وربنا يا ستي يبعد عنك الحيرة وانا مش قاصد أحيرك والله أنا بس زي ما قولت "خيال الكاتب " بس المرة دي الخيال سرح شويتين

دايما منورة ودايما يسعدني مرورك وتعليقك المتميز

خالص تقديري وتحياتي ....

بالتوفيق.......................

ghoneem يقول...

rovy

اهلا بيكي أخبارك ايه ؟؟؟؟

نورتي البلوج وكنت والله منتظر تعليقك جدا والحمد لله انك بخير الحمد لله ودايما يارب ف احسن حال

انا الحمد لله بخير ..
وفرحان جدا بعودتي :)

الحمد لله ان القصة عجبتك
وما تحزنيش ولا حاجة ..
المهم ان القصة تكون عجبتك واتأكدي ان البطلة أنقذت حبيبها خلاص ويمكن لو كانت أخذت قرار غير كدة كان مات ..من الفرحة ..

ربنا يارب يحفظك ويديم علينا مرورك وتشريفك

خالص دعائي وتقديري
واهلا بيكي ف مدونتك التانية

تحياتي

بالتوفيق.......................

ghoneem يقول...

norahaty

اهلا اهلا اهلا بيكي يا طبيبة وزميلة وصديقة ............

منتحرمش منك ولا من ذوقك وانا كمان فرحان كتييييييييييييييييييييييييير بعودتي للمدونة بعد طووووووووووووووووووول غياب

تحياتي

ghoneem يقول...

norahaty

الحمد لله ان القصة عجبتك

أما النهاية ..انت لو بصيتي كويس هتلاقيها مش محيرة ولا حاجة ..
اقريها تاني كدة
خلاص
انتهت

فين الحيرة بقي :)

تحياتي

بالتوفيق......................

ghoneem يقول...

سومة ...

أخبااااااااااااااارك ايه فرحان جدا بزيارتك

ازيك ..عاملة ايه بجد ..يارب تكوني بخير وأمروك كلها تمام

انا بخير الحمد لله ووعد مش هغيب تاني ان شاء الله

ع فكرة بقي ..انا كنت بقول بردو القصة دي ناقصها حاجة ..ودلوقتي الحمد لله عرفت ..ناقصها فعلا عودين الجرجير ..انا هحطهم ع التابيزة اللي جنب الجثة بس يارب تشوفهم

:)

تحياتي

فرحان بجد بتشريفك

بالتوفيق......................

sa'7so'7te يقول...

انا بكره النهايات المفتوحة
:#

ghoneem يقول...

sa'7so'7te
يااااااااااااه

أحلي مفاجأة بجد
انا فرحت أوي لما شوفت تعليقك
فيه حاجات كدة الواحد مش بيعرف يعبر عنها بس أنا متأكد ان اللي عايز أقوله بيوصل :)

يارب تكوني بخير وأمورك كلها تمام ودايما متميزة وناجحة ف حياتك

أما بعد ..
أنا كمان والله بكره النهايات المفتوحة بس للأسف واقع واتحطينا فيه هنعمل ايه بقي ..نعترض علي قدر ربنا ..ولا نعترض

وادعي يمكن النهاية تتقفل في يوم من الأيام ...وساعتها بقي هيبقي ليكي الحلاوة .. :)))))))

فرحان أوي بزيارتك دي ويااااارب أكون عبرت عنها
ويارب ألاقيكو ع البلوجز تاني نرجع نضحك ونفكر مع بعض زي زمان
سلامي ليكي وللستة

منورة الدنيا كلها

تحياتي

بالتوفيق.....................

gad يقول...

جميله القصه