تحديث بوست بعنوان "حريصٌ عليكم " علي مدونة نظرة
يسعدنا تشريفكم علي http://nazratolife.blogspot.com/
كانت هنا وهناك كانت
..حول أنحائي تهادت
..واستماتت واستطاعت أن تحولني سجين
عاشت لنا وبنا تنادت
..وسط أصواتٍ تعالت
..واستعادت واستمالت نبض قلبي المستكين
هل تذكريني ؟؟
..هيا انكريني
واجمعي جيشك وهيا قاوميني
واركبي أمواج بحرك في تعالٍ واتركيني
واستقيلي من حياتي
وامسحي أبيات شعري وأمسحيني
وادفعي قلبي وعقلي نحو هاوية الجنون
وامنحي قلمي سواداً واسمحيلي بالأنين
هيا اكتبي "إني استقلت "
وأنَّك منذ الآن " لن تحيا بدوني "
......................
هناك ٢٨ تعليقًا:
الله
رائعة جدا والكلمات فيها تناغم وسلاسة جميلة
حاساها اوى للوطن
بالتوفيق دائما
ربنا ينجحك بأعلى تقدير وييسرلك جميع امورك
تصفيق حاددددددددددددددد
الله عليك يادكتور غنيم
بجد هايل هايل هايل
سلم لك قلمك
ودمت بكل الود
فى حفظ الله
!!!!!!!!!
انا بجد مش عارفة انت بتجيب الافكار دي منين .. و كمان بتعبر عنها بطريقة العرض الجامدة دي ..
كمان عناوين البوستس بتاعتك دايما ً مميزة جدااا و بتلفت نظري اوي ,
بتختار عنوان في الجون و ملخص للقصيدة كلها و معبر عنها
بجد ما شاء الله ربنا يديم ابداعك و بوستاتك الجامدة :D
هيا انكريني
واجمعي جيشك وهيا قاوميني
واركبي أمواج بحرك في تعالٍ واتركيني
واستقيلي من حياتي
وامسحي أبيات شعري وأمسحيني
جميله
ومتناغمه
بجد ربنا يوفقك وينجحك
.
تناغم
وأنسجام
ومنتهى البساطه فى تدفق الكلمات بدون أى معاناه فى أيجادها
جميله جدا
.
بصراحه اول مره اجى اعلق هنا معرفش اقول أيه ..
بس تحفه ولو فى وصف احسن من كده تاخده
جميله بجد
ربنا يوفقك
تنويه
هو ممكن الحاله الشعريه من فضلك هههه
ازيك يا دكتور
هو انا زى موناليزا حسيت انك بتكلم مصر لكن وانا بقرب من نهايتها لقيتها ممكن برضه تعبر عن حالة خاصة
يعنى تمشى كده وكده
كل واحد حسب ما يحسها
لكنها فى النهاية جميلة جداا
واستشعر فيها حالة فريدة بس الخوف بقى لحسن تسمع كلامك وتستقيل بجد
ساعتها بقى انت لازم تكتب قصيدة تانية ترفض فيها استقالتها
تحياتى
رااائعه جدااااا
حقيقى دائما انت مميز فى كل ما تكتب
و دائما كلماتك ساحره و احساسك راقى جدااا
ربنا يوفقك دائما
دمت بكل الخير و سلمت يداك يا دكتور غنيم ..
تقديرى و تحياتى
موناليزا
اهلا بيكي منورة كالعادة وصاحبة أول تعليق يبقي كرم بزيادة
:)
الحمد لله ان البوست عجبك
وموضوع الوطن ده حاجة كويسة بالنسبة لي وتستحق مني التفكير قليلا
أشكرك علي دعولتك ولك مثلها ان شاء الله ويسعدنا دوما تشريفك
تحياتي
بالتوفيق.................
محمد غالية
أهلا بيك يا صديقي منورني كالعادة
أشكرك جدا علي تشجيعك ومش عارف والله هقدر ازاي أوفيك حقك
دايما بتحرجني وأجد تعليقك كل مرة والحمد لله ان الكلام بيعجبك بجد
ربنا يحفظك ويشكر ليك
تحياتي
بالتوفيق....................
bongo
أخبارك ايه ..وأخباركو ايه ؟؟
فرحان أوي أوي أوي بكلامك وفرحان أكتر بتشريفك واني لقيت اسمك عندي
الحمد لله ان الفكرة عجبتك ..
")
انت مش عارفة أنا بجيب الأفكار دي منين ؟؟
أصلي ش عارف أنا كمان بردو
ربنا يسهل أكيد هنعرف
فرحان بجد بكلامك وتشجيعك وفي انتظار عودة مدونة التوينز الي النور من جديد ليعود معها التألق وتزداد سعادتنا بيكم وبكلامكم الجميل
ربنا يشكر ليكي ودايما بتنوريني
تحياتي
بالتوفيق........................
سلوي
أهلا بيكي زائرة كريمة
اشكر ليكي اختيارك وسعيد جدا بحضورك وأكيد هرد الزيارة ف أقرب وقت ان شاء الله
دايما تسعدنا كلماتك
تحياتي
بالتوفيق......................
صفاء
أهلا بيكي منورة وسعيد جدا بتشريفك أولا وبرأيك ثانيا
الحمد لله ان البوست عجبك وان الكلام لاقي القبول
دايما ف انتظارك ونسعد بتشريفك
تحياتي
بالتوفيق..................
تمر حنة
أهلا بيكي أولا ويارب تكوني بخير وفي أحسن حال
الحمد لله ان الكلام عجبك وكلمة تحفة دي أسعدتني جدا جدا جدا
دايما بتحرجيني والله بردودك
أما عن التنويه
الحالة الشعرية ..احنا قولنا استقالة
:)
نورتيني جدااااا وسعيد برأيك ويارب دايما نسعد بيكي وبتشريفك
تحياتي
بالتوفيق................
gannah
اهلا بطبيبتنا الفاضلة
أنا بخير الحمد لله ..المهم أخبار حضرتك ايه ؟؟
أشكرك جدا قبل أي حاجة علي دعائك وكلامك الجميل ولا تتصوري مدي سعادتي وأنا أقرا ردك وكلامك
طبعا بتنورينا كالعادة واعتدنا زياراتك وتعليقاتك المتميزة
موضوع مصر ده غريب شويتين بس الناس اللي احساسهم راقي زي حضرتك وموناليزا ممكن يحسو بكدة وده أكيد شرف كبير ليه وحاجة أعتز بيها وبشدة
المهم انها الحمد لله عجبتك
أما عن موضوع انها تخاف وتستقيل بجد ..والله براحتها هية الخسرانة
ههههههههههههههه
سعيد جدا بمرورك ودايما تتركي بصمة لدينا
تحياتي وخالص دعائي
بالتوفيق.......................
rovy
أهلا بحضرتك منورة الدنيا كلها وكالعادة طبعا
سعيد جدا بزيارتك والحمد لله ان الكلمات عجبتك
ورأيك ده شهادة أعتز بيها جدا جدا جدا
وكلام كله كدة من أوله والله كتير علية بجد
دايما تحرجنا ردودك ونجد فيها ما نتواري منه خجلا
ربنا يشكر ليكي ويبارك لكي في أولادك وزوجك وكل حياتك
آمين
تحياتي
بالتوفيق...................
غير معروف
اهلا بحضرتك
تشريف نعتز بيه كثيرا ونتمني تكراره وحتي لو أن الكلمات لم تنل رضاك
فاننا نتكني علي الله أن تجد في المرات القادمة ان شاء الله أفكار جديدة ووضع غير هابط لأنني وبكل أسف مش هعرف أبطل لكن أوعدك بمحاولة التحسن
تحياتي
بالتوفيق.......................
جميلة الكلمات ومختلفة وان استقالت من حياتك فهي حقا الخاسرة
تحياتي
اللى باعك بيعه ولا يهمك
هو الخسران اكيد هو الخسران
يازميل وياطبيب وياصديق
ياجراح يادكتور أحمد غنيم
ولهذا انا عدت عشان صعبت عليا اقدم استقالتى وقلت لازم افضل كابسه كدا على مراوحكم
:))
عقبال يا رب ما واحد فى بالى يستقيل او يموت او يفطس او يجيله شلل او اى حاجه المهم ينكشح بقى لانه كدا كتير عليه قوىىى
(بيقولك مره الجنزورى بيسال الريس ليه شيلتنى من الوزاره قاله التغيير سنه الحياه..قاله وليه شيلت بتاع المواصلات قاله التغيير سنه الحياه ...قاله طيب وليه انت قاعد فيها بقالك ولا 30 سنه...قالوا يا حبيبى تغيريكم سنه لكن انا فرض...)
ولا انت مش متفق معايا
انا حجرى عشان فى كبسه:))
السلام عليكم
اخى الدكتور غنيم
فينك من مده ؟؟
ادعوا الله ان يكون المانع خيرا و ان تكون فى خير حال
ياريت تطمنا عليك ..
ارق تحياتى
السلام عليكم ورحمة
الله تعالى وبركاته
ارجو من الله ان تكون
بخير وافضل حال ياطبيب
وزميل وياصديق
يادكتور غنيم
دكتور غنيم انت فينك
تعالى بسرعه شوف الفليم اللى عملناه:)) انا عاوزه اوزعه واحطه فى براشيم للناس اصلا
:))
دعواتى لك بالسلامة
والتوفيق اينما انت
السلام عليكم ، اسفه ع التأخير فات كتير بس الحمد لله ، انا قلت ح رجع اشوف مدونتك الأول و موضوعتها اللي مكسره الدنيا بس للأسف مش فيه جديد ، الأهم تكون بخير و افضل حال يارب
لا حقيقى كده كثير
انا كنت منقطعة عن التدوين لفتره ليست بطويله لظروف خارجه عن ارادتى
معقول ارجع الاقيك لسه غايب !
يارب تكون بخير اخى الفاضل ..
اتمنى ان لا تطول الغيبه اكثر من هذا
خالص دعواتى و تحياتى
ادعوا الرحمن ان تكون بخير حال اخى الفاضل ..
و اتمنى ان يكون المانع خيرا
إرسال تعليق