نمت شوية الضهر في يوم
نمت شوية الضهر في يوم
لقيتني صحيت مفزوع م النوم
لقيتني بكلم حتة بنت قمر..صاروخ..
خلتني أفز... أقوم
هوصفها ...يبقي قلة أدب
هنجزها...تبقي سحر انكتب
فجأة..لقيتها بتيجي علية وبتقوللي بكل لطافة ورقة وذوق
بقي ينفع أبقي ف يوم كباريه يا قليل الذوق
كباريه ..
أفهم من كدة ان حضرتك تبقي مصر..؟؟
قالتلي آه مصر ..
مصر ياقليل الأصل
ده أنا مصر الأصل ..الفرع ..
مصر الدين والشرع
أنا مصر الطيبة ..
وساعة الجد الطول والهيبة
مصر السمرة ..
مصر الروح الطاهرة الحرة
مصر الخير ..مصر دليل .
.واللي يخالفه هيطلع برة
مصر اللمة وطعم الصحبة ..
مصر اجابة تحل مسائل سهلة وصعبة
مصر الليل ..مصر النيل ..
ولا مصيبة يا واد لتكون ممشتش عليه
بكرة هتمشي وتمشي لما هتعرف معني الحب ده ايه
أما مارينا وعز ودينا ..
فليهم نبي مش هوة نبينا
وليهم بكرة ..وآه علي فكرة
بكرة قريب ناوي يجينا
واسمع مني ..اسمع يابني
أنا ممكن أرَجَّع تاني جدودك م الصبح
لكن أنا بديكم فرصة ..وآآآآآآآآآآآآآآآآآآآآآآآآآخر فرصة تكونو الصح
آخر فرصة تكونو الصح
..........................
طبعاً الكلام ده رد علي الموضوع اللي قبله "كباريه "
للناس اللي مقرتش البوست اللي فات
أما الناس اللي بتشرفني دايماً فبشكرهم جدا جدا
ومستنيين نقفل الكباريه مع بعض
فرصة كبيرة ف رمضان ان شاء الله ...
ياللا شدو حيلكو وادعولي محتاج دعواتكم جدا جدا
هناك ٤٢ تعليقًا:
د.غنيم
الحمد لله ان قفل قبل ما يولع باللى فيه
ولا مصيبة يا واد لتكون ممشتش عليه
بكرة هتمشي وتمشي لما هتعرف معني الحب ده ايه
حاسة ان دى جملة زى اللى بيكتبه عبد الرحمن الابنودى
حلوة جدا وبالذات الجزء الأخير اللى احترت اى جزء منه أختار
أكيد فيه بكرة أحلى وأجمل لاننا كده وصلنا للنقطة الدنيا فى المنحنى وليس هناك طريق الى الصعود مرة أخرى ان شاء الله
يعنى حاجات كتير من ساعة ما وصلت بشوفها وبسمعها بتقولى ان الظلام بقى شديد قوى واكيد لازم هييجى الفجر
بجد الناس غلبانة قوى قوى ومش عارفة فعلا ازاى المسؤولين بيناموا
أخبار الطب ايه؟؟؟؟
ربنا يكرمك يا طبيب
تحياتى
الله عليك .. بجد ما شاء الله
مصر الغاليه بتشكرك علشان حسيت بنبضها ..
مصر بتشكر صرختك باعلى صوتك .. يا ناس الذنب مش ذنبها ..
مصر الحبيبه و القريبه وامنا و كل حاجه فى عمرنا بتقولنا ..
نمد ادينا لبعضنا نحسها و نقوم بها ترجع تنور شمسها و نيلها يصفى لشعبها
حقيقى حاسه بأنها بتبتسم لك و بتشكرك
ما هو انت برضه ابنها
و على اللى زيك بانيه كل حلمها ..
ونفسها نجيب لها الحق اللى تاه من ارضها .. و نرده تانى لحضنها ..
سامحنى على الاطاله و لكن ابداعك اخى الفاضل جعلنى ارتجل تلك الكلمات و اهديها اليك ..
حقيقى ابدعت و تميزت ..
تسلم ايديك ..
دمت بخير و دام لنا ابداعك و احساسك الصادق ..
تقديرى و تحياتى
د/ غنيم
بجد ماشاء الله عليك كلماتك بجد رائعه
فيها جمال وحس عالى جداا عجبتنى جدااا
جداا بجد كلماتك رائعه ومعبرة عن مصر الحبيبة الغالية
تسلم ايديك
حلوه اوي يا دوك
بجد والله
هي دي مصر فعلا
بس المشكله فينا
احنا اللي عازيني نتغير
طبعا بكره احلي
وكل حاجه حلوه ف مصر
احسن مليون مره من اي دوله تانيه
عربي قصيح ميه ميه
عربي مكسر ميه ميه
عاميه ميه ميه
ههههههههههههههههههه
بقر انا
ههههههههههههههههههههههههه
رجعت اضحك اهو
اي خدمه
ربنا يوفقك يارب
اه نسيت اقول
اني رابع تعليق
كويس برده
والخامس كمان رخامه بقي
ههههههههههههههههههههه
هههههههههههههههههههههههه
في رعايه الله
كمان السادس
لا مش ممكن بجد
هههههههههههههههههههه
ههههههههههههههههههههههههههه
رجعت اضحك تاني اهو
المهم قول يارب
اننا نتغير بجد
لان العيب فينا احنا
مش ف بلدنا
لاني زي ما قولت انها احسن دوله
غنيم
بجد رد اكثر من رائع
باسلوب خفيف جدا وممتع
مصر الليل ..مصر النيل ..
ولا مصيبة يا واد لتكون ممشتش عليه
بكرة هتمشي وتمشي لما هتعرف معني الحب ده ايه
كل وصفك لمصر كان جميل جدا بجد
ربنا يعينك ويكرمك وفى انتظارك دايما مش تتاخر
تحياتى لك وتقديرى
فكرة بجد خطيييييييييييييييييييييييييييييييييييييييييييييييييييييرة
لو مظهرتش الكلمة يعنى عشان بتحصل فى بلوجر كتير
خطيرة بالصغير
نايس
:)
كل سنة وانت طيب مقدما عشان رمضان ان شاء الله
break
بحبك يا مصر بحب نيلك وشعبك وأصلك وكرمك وجودك وقلبك الطيب وروحك الطاهرة إنتى الوطن والأم والقلب الحنون ودايما بنرجعلبك مهما يطول السفر بنحبك يا مصر.
اللهم ولى من يصل وأصلح حالنا ويسر أمرنا اللهم ارزقنا الصبر على ما ابتليتنا به .
جزاك الله خيرا مشكور ويارب كل واحد فينا يبدأ بنفسه وساعتها هتتصلح مصر وهترجع تانى لسابق عهدها
د. غنيم
جزاك الله خيرا على تعليقك و مساندتك التى احتاجها بالفعل وما حدث لى ليس اهتزازا فى الثوابت ولكنه شعور بالظلم فالله يعلم اننى كتبت البوست لشعورى باننا طالما ارتضينا الدخول فى عالم التدوين فلا بد أن نكون ممن يأمر بالمعروف و ينهى عن المنكر ولغيرتى على دينى وما يحدث لابنائه ورغبتى فى ان يعودوا الى طريق الحق.
ثم يأتى من يلقى الاتهامات فاشعر بالظلم وهو أقسى شعور يتعرض له الانسان ففضلتان انتظر حتى اهداء وارد بلا انفعال
فجزاك الله خيرا وأدامك لى ولغيرى صحبة صالحة تعيننا على الحق
وبالطبع سارد فى أقرب وقت
جزاك الله عنى خير الجزاء
اللهم أرنا الحق حقا وارزقنا اتباعه وارنا الباطل باطلا وارزقنا اجتنابه
تقبل خالص احترامى وانت أهل له
تحياتى
جميلة جدا
مش قادرة اوصف حالة التفاؤل اللى جاتلى وانا بقرأها
ايوة كده يادكتور عايزين شوية امل يقونا على مواجهة الحياة
ربنا يبلغنا رمضان ويعيننا على صيامه وقيامه
ملحوظة:لو عايز دعوة معينة ياريت تعرفهالى وان شاء الله ادعيلك بيها دايما قبل الفطار
السلام عليكم
بصراحة يادكتور مقدرتش أسيب الموضوع ده من غير ما أعلق تانى عليه
كلنا بنحب مصر ومحدش يقدر يقول غير كده استغربت جدا لما عرفت إنى فى 100ألف مصرى بيعملوا فى إسرائيل ومعاهم الجنسية الإسرائيلية ولما إسرائيل سحبت الجنسية من 5000واحد زعلوا قوى وعاملين مشاكل جامدة!
أنا بس عايز أقول إنى مصر دى بلدنا وبنحبها ومهما حصل فيها من بطالة وسرقة وكوسه ووساطة وتزوير وتدليس برده مص هى بلدنا وده عيب أشخاص مش عيب مصر
كل واحد فينا بجد مقصر كل واحد فينا لازم يعمل إلى عليه مهو مش معقول إنى الحكومة هتعين واحد حرس على كل موظف عشان يقومو بشغولوا أو هتعين حرس على كل شخص فى الوطن مستحيل
دايما الإصلاح بيبدأ من الناس هما يصلحوا أنفسهم وبعدين أكيد حالنا هيتغير (إن الله لا يغير ما بقوم حتى يغيروا ما بأنفسهم) كل واحد فينا يراعى ربنا وبعدين يراعى ضميرة فى كل حاجة بيعملها وهتبقى مصر أمنا أعظم بلد فى العالم .
بجد إنتى حطيت إيدك على الجرح وحسستنا بأمل وتفاؤل وأوعدك إننا هنتشبس بالفرصة الأخيرة عشانك يا مصر هنشتغل وهننتج وهنعمل المستحيل علشانك يا مصر والله بنحبك يا مصر.
جزاك الله خيرا على الموضوع الرائع وجعله الله فى ميزان حسناتك
وسلم لك قلمك
فى حفظ الله
ايوه كدا تفائل تفائل وفرح قلوبنا
الله يكرمك ويباركلنا فيك
بوست رائع فعلا بكل ما يحتويه من كلمات وافكار
ايدينا في ايد بعض بقى ونكمل ومنبصش ورانا تانى علشان نبطل نقع لازم نخلى عيونا تبص لقدام
ربنا يهدى الجميع يا رب وكل سنه وانت طيب وكل الأمه طيبه يا رب ورمضان كريم
تفوقت واحسنت وابهجت قلوبنا فتحياتى ليك
gannah
أهلاً بحضرتك طبيبة فاضلة نعتز بيها وبتشريفها للمدونة
الحمد لله أي خدمة قولت ألحق قبل ما يولع بجد وتقولو اني أنا السبب
أشكر ليكي كلماتك والحمد لله ان الكلام عجب حضرتك شرف كبيييييييير لية وللمدونة ...
:)
أكيد بكرة أحلي ان شاء الله
دعوة للتفاؤل ونحن مقبلين علي رمضان نكثر من الدعاء وان شاء الله رحمة ربي وسعت كل شئ وسنجد الإجابة بإذن الله
أما عن المسئولين وانهم بينامو إزاي ؟؟
بيناموا كدة
عاااااااااااااااااااااااادي يعني
ايزي الحال فل والشعب مبسوط ومن سعادة الي سعادة
احنا خلاص مش في انتظار تغير حال المسئولين
احنا في انتظار تغير المسئولين
أما عن الطب وسؤال حضرتك ؟
أشكرك جدا عل سؤالك وأنا أجبت حضرتك وأتمني أن اجابتي تكون واضحة ونستفيد بخبرة ونصيحة حضرتك
ادعو لنا بالتوفيق وان ربنا يهديناالي الطريق الصواب واننا نزور المدينة ومسجد رسول الله صلي الله عليه وسلم
دايماً منورانا وتزداد سعادتنا بتشريفك وحضورك المتميز
تحياتي
بالتوفيق.........................
rovy
أهلاً أهلاً
صالحت مصر أهو أي خدمة عشان مش بقدر علي زعلها ...
أما بقي كلام حضرتك ده بجد تعجز كلماتي عن التعبير ووصف ما أبدعتي وكتبتيه بصدق وتميز تحسدي عليه
أضفتي للمدونة وأضفتي للموضوع وأبدعتي وأحرجتينا جدا جدا جدا
أما أسعدتينا ..فبجد كتييييييييييييييييييييييييييير وسعادتي بتعليقك لا توصف
أشكر ليكي حضورك المتميز ودايماً حضرتك بتشرفينا وتمتعينا بتعليقاتك
أشكر ليكي دعواتك وصدق كلماتك
دمتي بخير ودام لنا حضورك وتشريفك
خالص تحياتي
بالتوفيق.......................
نهر الحب
أهلاً بحضرتك منورة المدونة
الحمد لله ان الكلمات نالت استحسان صاحبة النهر ...شرف كبير لية وللمدونة
وصفك لكلماتي أسعدني جدا جدا والحمد لله اني عرفت أعبر عن مصر الغالية ...
أشكر ليكي تشريقك ودوماً في انتظارك
تحياتي
بالتوفيق......................
zozo
أهلاً بيكي
أخبار الأجازة ايه؟؟؟
فرحان جدا بالتلات تعليقات بتوعك
الحمد لله ان المدونة بتحظي بتشريفك وان البوست عجبك ....
المشكلة فينا احنا
مش في مصر
أمر متفقين عليه كلنا والحمد لله ان مصر دي بلدنا ...بجد الحمد لله ويارب نستحق اننا نبقي ولادها قبل مانموت
ان شاء الله بكرة أحلي ونتفائل باللي جاي ,,,,
اضحكي كدة انت مش بتضحكي ليه
ههههههههههههههههههههه
لا ضحكتي أهو الحمد لله
:)
أما القر بتاعك ده فمش هيجيب نتيجة احنا مطعمين ماتقلقيش
يارب يهدينا ويردنا لدينه مرداً جميلا
منوراني دايماً
تحياتي
بالتوفيق..................
رحيل
أهلاً بيكي منورة المدونة جدا
الحمد لله ان البوست عجبك واني عرفت أعبر عن مصر وأوصفها ...
مصر فعلاً جميلة وتستاهل اننا نبقي كويسين وكويسن عشان نشوفها أجمل وأجمل ان شاء الله
أشكرك جدا علي دعواتك ولكي مثلها أن شاء الله
دايماً زيارتك بتسعدنا وفي انتظارك وانتظار تعليقاتك
تحياتي
بالتوفيق..................
break
أهلاً بيكي منورة
أخبارك ايه وأخبار الستة ايه ؟؟
الحمد لله ان الفكرة عجبتك
اطمني الكلمة ظهرت عندنا هوة احنا زي أي بلوجز ولا ايه ؟؟؟؟؟
:)
ربنا يكرمك يارب ويبارك فيكي وفي وقتك وفي كل أعمالك ونسمع عنك كل خير دايماً ان شاء الله
شدي حيلك ف رمضان وكل سنة وانت طيبة ويارب يتقبل منك صالح الأعمال
تحياتي ليكي وللستة جدا جدا جدا
بالتوفيق...................
thx u 3ll blog this so beauty
السلام عليكم ورحمة الله وبركاتة
اولا فى البداية احب اقول ان بوستى المرة دى
هيكون نقاش بسيط او وجهة نظر وصلتني
من خلال وجهة نظر حضرتك فى الكتابة
وبما ان متاح ليا الكتابة هون
اذاِ وبكل صراحة مش عجبنى البوست دة ذى اللى قبلة
طبعا انا ماقصدش الكلام او الاسلوب لان كعادتى لا استطيع ان
اصف كلماتك فإحساسى بها هو الذى يصف " وبيستفزنى اوى"
قصدت الفكرة فى حد ذاتها او بمعنى اوضح العنوان
وبما ان حضرتك تقول ان الكبارية قفل
اذا انت تؤكد ان مصر كبارية فعلا
طيب سؤال يادكتور!!
هل كل الناس بتدخل كبارية ؟؟
فى اعتقادى ان فئة معينة اللى بتدخلة وبتكون معروفة بل
عل العكس مقتنعة تماما ومبسوطة باللى بيجرى فية
هل انت مبسوط!!
كمان عمرك ماهتلاقى مضطر بيدخل كبارية ولا اية!!
آه احنا ممكن نقول مسرح بيعرض مسرحية او سيرك بمعنى ان
ناس بتموت جواه فى الهوى على الحبال او فى قفص مع الحيوانات او داخل دايرة نار
واهو ياتضحك ياماتضحكش نستغرب نعترض
فى النهاية ممكن كلنا نتدخل ونشوف اية اخرتها
وساعتها هتلاقى كتير مضطرين بيدخلوا.
رافضة الاسم مش علشان هية مصر لا
علشان معترضة اننا نكون داخل كبارية رافضه وجودى فية
ومعنى ان حضرتك تقول كدة
يبقى اكيد راضى ومبسوط على الى بيجرى ومش معترض ابدا على وجودك داخلة
لان لا اعتقد ان فية اى شخص بداخل كبارية بيكون حزين وبيتوجع
آه انا مقتنعة وموافقة ان الى بيحكمنا ذى تماما اللى بيحيي
الكبارية وربنا يستر علينا وكمان زعلت اوى من رد حضرتك
على بوستى المرة اللى فاتت
لان اعجابك بية شئ وانك تقول آآآآآآآآآمين شئ تانى
طبعا انا فاهمة وجهة نظر حضرتك واللى عايز توصلة لينا
ومتاكدة جدا من حزنك والمك وحبك لمصر من غير ماقرا ردودك
على التعليقات لانها كانت واضحة جدا مع احساسك الدافع للكتابة
بس لفظ كبارية هوة اللى مش عاجبنى بس
لاننا ارقى بكتير من وجودنا فية
وعلى فكرة مافيش كبارية بيقفل ابدا
لا فى رمضان ولا غيرة اصلة فى النهاية"كبارية"وربنا يهدى
وعلى العموم ان لم تستطع بلسانك فبقلبك
ذى ماقال رسولنا علية افضل الصلاة والسلام
"فحسبى الله الذى لا يغفل"
فى نهاية بوستى وطولت اوى انا عارفة"آخر مرة معلش"
رمضان كريم ويارب يعود علينا وعلى الامة الاسلامية بكل خير وحب ونقاء
ويجعلة هداية لكل عاصِ وشفاء لكل مريض وغنا لكل فقير
وربنا يحفظك ويقوي عزيمتك ويجعل منك ماينفع امتنا
"ايدك بقى على ثمن الدعوتين دول"
وفقك الله وعفا عنك وعنا
كل التحية والتقدير .......
السلام عليكم ورحمة الله وبركاتة
اولا فى البداية احب اقول ان بوستى المرة دى
هيكون نقاش بسيط او وجهة نظر وصلتني
من خلال وجهة نظر حضرتك فى الكتابة
وبما ان متاح ليا الكتابة هون
اذاِ وبكل صراحة مش عجبنى البوست دة ذى اللى قبلة
طبعا انا ماقصدش الكلام او الاسلوب لان كعادتى لا استطيع ان
اصف كلماتك فإحساسى بها هو الذى يصف " وبيستفزنى اوى"
قصدت الفكرة فى حد ذاتها او بمعنى اوضح العنوان
وبما ان حضرتك تقول ان الكبارية قفل
اذا انت تؤكد ان مصر كبارية فعلا
طيب سؤال يادكتور!!
هل كل الناس بتدخل كبارية ؟؟
فى اعتقادى ان فئة معينة اللى بتدخلة وبتكون معروفة بل
عل العكس مقتنعة تماما ومبسوطة باللى بيجرى فية
هل انت مبسوط!!
كمان عمرك ماهتلاقى مضطر بيدخل كبارية ولا اية!!
آه احنا ممكن نقول مسرح بيعرض مسرحية او سيرك بمعنى ان
ناس بتموت جواه فى الهوى على الحبال او فى قفص مع الحيوانات او داخل دايرة نار
واهو ياتضحك ياماتضحكش نستغرب نعترض
فى النهاية ممكن كلنا نتدخل ونشوف اية اخرتها
وساعتها هتلاقى كتير مضطرين بيدخلوا.
رافضة الاسم مش علشان هية مصر لا
علشان معترضة اننا نكون داخل كبارية رافضه وجودى فية
ومعنى ان حضرتك تقول كدة
يبقى اكيد راضى ومبسوط على الى بيجرى ومش معترض ابدا على وجودك داخلة
لان لا اعتقد ان فية اى شخص بداخل كبارية بيكون حزين وبيتوجع
آه انا مقتنعة وموافقة ان الى بيحكمنا ذى تماما اللى بيحيي
الكبارية وربنا يستر علينا وكمان زعلت اوى من رد حضرتك
على بوستى المرة اللى فاتت
لان اعجابك بية شئ وانك تقول آآآآآآآآآمين شئ تانى
طبعا انا فاهمة وجهة نظر حضرتك واللى عايز توصلة لينا
ومتاكدة جدا من حزنك والمك وحبك لمصر من غير ماقرا ردودك
على التعليقات لانها كانت واضحة جدا مع احساسك الدافع للكتابة
بس لفظ كبارية هوة اللى مش عاجبنى بس
لاننا ارقى بكتير من وجودنا فية
وعلى فكرة مافيش كبارية بيقفل ابدا
لا فى رمضان ولا غيرة اصلة فى النهاية"كبارية"وربنا يهدى
وعلى العموم ان لم تستطع بلسانك فبقلبك
ذى ماقال رسولنا علية افضل الصلاة والسلام
"فحسبى الله الذى لا يغفل"
فى نهاية بوستى وطولت اوى انا عارفة"آخر مرة معلش"
رمضان كريم ويارب يعود علينا وعلى الامة الاسلامية بكل خير وحب ونقاء
ويجعلة هداية لكل عاصِ وشفاء لكل مريض وغنا لكل فقير
وربنا يحفظك ويقوي عزيمتك ويجعل منك ماينفع امتنا
"ايدك بقى على ثمن الدعوتين دول"
وفقك الله وعفا عنك وعنا
كل التحية والتقدير .......
mohamed ghalia
اهلا بيك منورني
أشكرك علي كلماتك وحبك لمصر الواضح جدا جدا من كتابتك
ربنا يتقبل منك دعائك
انت فعلا جبت الخلاصة كل واحد يبدأ بنفسه ...
ربنا يهدينا ويردنا اليه مردا جميلا
تحياتي وخالص دعائي
بالتوفيق..........................
موناليزا
اهلاً بيكي منورة الدنيا كلها
الحمد لله اني عرفت أخليكي في تفاؤل ويارب كدة علي طول ان شاء الله
أكيد بكرة أحسن وأحلي
ربنا يتقبل منك دعائك ويبارك لنا في رمضان ويعيننا علي صيامه وقيامه
أشكرك جدا جدا علي مرورك الكريم وحضورك الطيب ودايماً في انتظارك وأوعدك اني أخلي اللي جاي تفاؤل كله ان شاء الله " علي قد ما أقدر "
أما عن الدعوة امممممممممممممممممممم
والله هية فرصة وفي دعوات كتير
بس مش هتعبك معايا كفاية دعوة واحدة
إدعيلي ربنا يوفقني في عملي ويجعلني سبب للشفاء وخير عون لمرضي فقراء المسلمين
آمين آمين آمين
خالص تقديري واحترامي لشخصك الكريم
تحياتي
بالتوفيق...................
gannah
أهلاً بطبيبتنا الفاضلة
ده واجب علية وفرض كمان وأنا سعيد جدا جدا بموضوعك وطريقة مناقشتك للقضية
لكن زي ما حضرتك ملاحظة اللي عايز يجادل بياخدنا لمواضيع بعيدة ويطرح أسئلة تبعدنا عن لب الموضوع المطروح أساساً ....
لكن ملاحظ ان حضرتك صاحية وواخدة بالك كويس بارك الله فيكي
واضح من ردودك انك الحمد لله هدأت بالفعل وأحسنتي الرد ماشاء الله وفقك الله للخير دوماً
أنا موجود وتحت أمرك في أي حاجة
ربنا يتقبل منك صالح دعائك
ويوفقك ويرزقك خيري الدنيا والآخرة
تحياتي ودوماً في انتظارك
بالتوفيق................
Mohamed ghalia
وعليكم السلام
أهلاً بيك منور
سعيد جدا بتعليقك والحمد لله ان البوست عجبك
سعيد جدا بجد بنبرة التفاؤل واحساسك بالأمل من خلال كتاباتي وده شرف كبير لية وللمدونة وأشكرك علي كلامك جدا
كلامك جميل ما شاء الله وهوة الخلاصة فعلاً ربنا يبارك فيك يارب
جزاك الله خيرا ودايماً بتنورنا
رمضان ع الأبواب ياللا شد حيلك
وماتنساش تدعولنا وللمسلمين
تحياتي
بالتوفيق.........................
nour shahen
أهلاً بيكي
واضح اني نكدت عليكو فترة كبيرة أوي
كله ضرب ضرب مفيش شتيمة
ههههههههههههههههههه
ع العموم الجاي تفاؤل ان شاء الله
وبكرة أحلي وأجمل ان شاء الله
الحمد لله ان البوست عجبك وده المهم
نبص لقدام زي ما حضرتك تفضلتي وقولتي
كل سنة وانت بخير والي الأمام يارب ورمضان مبارك ان شاء الله
ربنا يتقبل منك دعائك
أشكرك جدا جدا علي حضورك المتميز وكلماتك المشجعة جداااااااااا
تحياتي ودايماً بتنورينا
بالتوفيق......................
غير معرف
أهلاً بيكي
هوة الدور رجع تاني ليه ماكنا خفينا الحمد لله وبقي لينا إسم وكدة يعني ؟؟
ع العموم براااااااااحتك المهم انك بتنورينا وبنلاقي تعليقك
الأول كل سنة وانت طيبة ورمضان كريم
ها
واضح طبعاً انك قفلتي المدونة بتاعك خلاص وقولتي أوفر فلوسي وأكتب عند غنيم ف المدونة بتاعه ...طبعاً أهلاً بيكي وبكتاباتك المتألقة دائماً لكن أنا بس مش عارف المدونة بتاعك عاملالك ايه مش عايزة تعبريها ليه ؟؟؟
طبعاً الكتابة هون متاحة ليكي جدا ومرحب بيكي جدا جدا
بس الديمقراطية اللي زي بتاعت بابا حسني دي متنفعش معاكي
سيبتك تكتبي براحتك بقيتي بتنتقدي كتابتاي وبتقولي علي سطح مدونتي ان البوست مش عاجبك .......؟؟؟؟؟
:)
:)
انت عايزاني أقول يعني ان مصر مش كباريه
بصي
أنا فالأول قولت انها كباريه وأنا مقتنع بده وقولت دلوقتي أنه قفل وأنا بردو مقتنع بده
أما انها كباريه فعندي من وجهة نظري أسباب كتييييييير لده
وضحتها ف ردودي ع البوست اللي فات
وأما انه قفل فلأني متفائل جدا وبالذات مع حلول شهر رمضان
أما جوابي علي سؤالك؟؟؟
أنا قولت اني مش شرط أدخل الكباريه
أنا ممكن أقف أتفرج من برة وأنا رافض
أو أقف أتفرج وأنا مبسوط
أو أقف أتفرج وأنا نفسي أدخل
يعني ف الآخر واقف بتفرج حتي لو كنت مش جوة الكباريه ....
انت وصلتي للي عايز أقوله
مفيش كباريه بيقفل
بس مصر بقي هتقفل
ههههههههههههههههههههههههههه
معلش بقي اعذريني
أنا مقتنع انها بقت كباريه
أعمل ايه يعني
.....؟؟؟؟؟؟؟؟؟؟
أنا ممكن أوضح لكي انه مش كباريه بمفهوم الكباريه بناع شارع الهرم
لكن ممكن يكون كباريه ده لفظ يحمل معني لمكان فيه أشخاص سيئون يتصرفو بأخلاق فاسدة يشاهدهم أشخاص رافضون لا حول لهم ولا قوة
ممكن كدة ...
ينفع نمشي الكباريه كدة ولا ايه ؟؟؟
أما ف نهاية بوستك
فمش بنقبل أعتذرات وسعيد جدا بالإطالة وبكلماتك الجميلة
ربنا يتقبل منك صالح دعائك
ماشاء الله دايماً تعليقاتك عند حسن ظننا بيكي ربنا يشكر ليكي حضورك
ربنا يتقبل دعائك ولكي مثله ان شاء الله
عدي ع التمرجي خدي منه ثمن الدعوتين
:)
تحياتي ليكي ولمرورك
بالتوفيق.....................
السلام عليكم اخى الفاضل
اتيت للسلام قبل اجازتى التى تبدأ غدا
اشكرك لكلامك فى ردك على تعليقى الذى عجزت ان ارد عليه و الذى اخجلنى ..
اتمنى ان تكون دائما بخير
خالص تقديرى و تحياتى
لالالالالالالالالالالالالالالالالالالالالالالالالالالا
دى جامده جدااا
اوصفها قله ادب
تصدق وتامن بالله انا برضوا شكيت فى الاول فى اخلاقك المره الاولى كباريه ودلوقتى بنت حلوه
بعدين عرفت انها مصر
سامحنى يا غنيم يا اخويا
هايبه والله انت عارف انا برضوا كنت كاتبه حاجه زمان اسمها يا خوفى يامه بعدين لاقيتنى برد على نفسى بواحده تانيه بعدها اسمها ياوولدى ليه قاسى عليا
تصدق احنا غلابه والله يارب يعديها على خير
عارف احسن بيت شعر سمعته عن مصر هو لصلاح جاهين
على اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
تحياتى ليك سومه_87
هايله مش هايبه الكيبورد انحول
السلام عليكم
د.غنيم
أدعوك لزيارة مدونتى المشتركة مع روفى وموناليزا
تحياتى
يا ابني دي بقت اسوء من الكباريه الله حرام اللي بيحص لمصر
بس اسلوب بجد رائع الي الامام يا رجل
مصر احلي بينا ان شاء الله
العجوز
واسف علي التاخير
السلام عليكم د.غنيم
كل سنة وانت بألف خير ويارب رمضان السنة دي يكون أجمل رمضان يمر عليك وربنا يتقبل منك الصيام والقيام تعليقك عندي أسعدني قوي وأنا اللي فخورة اني بتابع مدونة متميزة زي مدونتك وشاعر مبدع زيك ربنا يكرمك ويسعد قلبك في الدنيا والآخرة
تحياتي وتقديري
rovy
أتمني لكي أجازة سعيدة ورمضان كريم
دايماً زيارتك تشرفنا ودمتي بكل خير
أما كلماتي في أقل بكثير مما تستحقيه
خالص تحياتي وكل تقديري
بالتوفيق..................
سومة.....
كدة بردو تشكي ف أخلاقي
لالالالالا أنا كدة زعلت والله
ههههههههههههههههههه
ماشي ع العموم سماااااااااح
أهلاً بيكي بقي
أخبارك ايه
كل سنة وانت طيبة ورمضان كريم
ربنا يسمع منك وتعدي علي خير يارب
وطبعاً كلام صلاح جاهين ده فلا تعليق عليه ومفيش فعلاً كلام أحلي من كدة
تحياتي
بالتوفيق..................
gannah
علم وينفذ يا فندم
هكون هناك ف أقرب وقت ان شاء الله
دمتي بخير وكل عام وانت بألف خير
تحياتي
بالتوفيق................
ahmed el-agouz
أهلاً بيك
كل سنة وانت طيب ورمضان كريم
وحمدا لله ع السلامة منورنا والله جداااااااااااااااااااااااا
اه بقت أكتر من الكباريه بس مش هتسكت وأولها أهو مجلس الشعب ولع
أكبر صالة عرض ف الكباريه
هههههههههههههههههههههههه
ياللا ربنا يرحمنا ويريد بينا خير
أسعدني مرورك جداااااااااااا
ولا تعتذر يكفينا أنك بخير
تحياتي
بالتوفيق..................
امل
وعليكم السلام
اهلاً بيكي وكل عام وانت بخير
رمضان كريم
ربنا يتقبل منك دعائك وأشكر ليكي كلماتك الرقيقة
دمتي بخير ودام لنا حضورك وتعليقك المشجع
تحياتي
بالتوفيق.....................
السلام عليكم ورحمة الله وبركاته
الله يادكتور غنيم الله الله
قصيدة فعلا تفرح القلب الحزين
وتديله جرعة امل وتفاؤل لا حدود لها
فعلا قصيدة حلوة ومعانيها جميلة ورقيقة
(ده أنا مصر الأصل ..الفرع ..
مصر الدين والشرع
أنا مصر الطيبة ..
وساعة الجد الطول والهيبة
مصر السمرة ..
مصر الروح الطاهرة الحرة
مصر الخير ..مصر دليل .
.واللي يخالفه هيطلع برة
مصر اللمة وطعم الصحبة ..
مصر اجابة تحل مسائل سهلة وصعبة
مصر الليل ..مصر النيل ..)
ايوة مصر النيل
اللى مش حيقدروا
يخدوه مننا ابدآ
لان مصر هى النيل
والنيل هو مصر
(أما مارينا وعز ودينا ..
فليهم نبي مش هوة نبينا
وليهم بكرة ..وآه علي فكرة
بكرة قريب ناوي يجينا)
وربنا يستر من بكرة
حلوة اوى اوى اوى
وبيها فعلآ ياطبيب
بتعزز مكانتك
(كشاعر موهوب)
تحياتى لك
ولقلمك
الجميل
وشعرك
الاجمل
السلام عليكم
الفاضل
فائق احترامى وتقديرى وشكرى
فما يستحق التميز هو كتابتك الرائعة التى تدفعنى ان اكتب باحساسى بها.فجزيل الشكر على مرورك وتعليقك الذى مايستحقة سوى انت
وربنا يكرم حضرتك ويوفقك لما هو خير ونافع لك ولغيرك وكل الشكر على دعواتك راجية من الله ان يمنحك مثلها.
"رمضان كريم ان شاء الله"
وكل عام واسرتك الكريمة بكل خير وود
وان تقضية بكل مايرضية قلبك وعقلك وايمانك ولعلة انقطاع موفق ان شاء الرحمن فنحن فى اجازة لانها ملك للرحمن عز وجل
اها نسيت اقول لحضرتك
ان مش محتاجة اعدى على التمرجى علشان اخد التمن لان اعتقد اخدتة ثلاث
مرة هنا من حضرتك ومرة عندى والثالثة بل الاولى من ملائكتى على كتفى
تحياتى وتقديرى...
فعلا حلوة
كلمات جميله وبوست جميل
ما شاء الله
على اسم مصر التاريخ يقدر يقول ما شاء
أنا مصر عندي أحب وأجمل الأشياء
:)
إرسال تعليق